Yolu keçmək istəyən piyadanı avtomobil vurdu - Bakıda

Gecə saatlarında paytaxtın Xəzər rayonunda yolu keçmək istəyən piyadanı avtomobil vurub. Avtosfer.az "Report"a istinadən xəbər verir Maştağa-Buzovna yolunda 35 yaşlı İsmayıl adlı şəxs digər tərəfə keçmək istəyərkən Elxan Mehdiyevin idarə etdiyi "VAZ-21 099" markalı minik avtomobili tərəfindən vurulub. Piyada ağır xəsarət alıb. Hadisəni törədən sürücü ağır xəsarət alan İsmayılı 3 saylı Şəhər Kliniki Tibbi Mərkəzə çatdırıb. Həkimlər onu əməliyyat etdikdən sonra xəstəxananın Reanimasiya şöbəsinə yerləşdiriblər. Yaralının vəziyyəti ağır olaraq qalır. Hadisəni törədən sürücü E.Mehdiyev Xəzər Rayon Polis İdarəsinin əməkdaşları tərəfindən saxlanılıb. Araşdırma aparılır.