Yolu keçmək istəyən piyadanı maşın vurdu - Bakıda

Bakının Xəzər rayonunda piyadanın vurulması ilə nəticələnən yol-nəqliyyat hadisəsi baş verib. Avtosfer.az "Report"a istinadən xəbər verir ki, hadisə Binə qəsəbəsi, "Südçülük savxozu" adlanan ərazidə qeydə alınıb. 1984-cü il təvəllüdlü Əhmədov İsrail Əhmədliyə oğlu yolu keçmək istəyərkən "Jiquli" markalı avtomobil tərəfindən vurulub. Hadisəni törədən sürücü yaralını xəstəxanaya yerləşdirib. Faktla bağlı Dövlət Yol Polisi İdarəsinin Xəzər rayon şöbəsində araşdırma aparılır.