Yolu süpürən qadını maşın vurdu

Tovuzda qadını avtomobil vurub. APA-nın verdiyi məlumata görə, hadisə rayonun Qovlar şəhəri ərazisində qeydə alınıb. Hərəkətdə olan “VAZ 2107”  “Mercedes” markalı avtomobillə toqquşduqdan sonra yolun kənarında səkini süpürən 1964-cü il təvəllüdlü Cəmilə Məmmədovaya çırpılıb. Qəza zamanı müxtəlif bədən xəsarəti alan qadın dərhal Tovuz Mərkəzi rayon xəstəxanasına yerləşdirilib. Ona tibbi yardım göstərilib, vəziyyətinin normal olduğu bildirilir.

Faktla bağlı Tovuz rayon Polis Şöbəsində araşdırma aparılır.