Yük avtomobili qəza törətdi: sürücü ağır xəsarət alıb - Bakıda

Bakıda yük avtomobili qəza törədib, sürücü ağır xəsarət alıb. Avtosfer.az "Report"a istinadən xəbər verir ki, Xətai rayonu, Nobel prospektində yol-nəqliyyat hadisəsi qeydə alınıb.

Belə ki, Masallı rayon sakini 24 yaşlı Nəzərli Cavidan Faiq oğlu idarə etdiyi "Shacman" markalı yük avtomobili ilə yüksək sürətlə gələrkən idarəetmədən çıxaraq "Hyundai" markalı minik maşınına daha sonra "Ford" markalı mikroavtbusa çırpılıb. İdarəetmədən çıxan "Shacman" daha sonra yol kənarında divara çırpılıb. Nəticədə sürücü C.Nəzərli ağır xəsarət alıb. O, 3 saylı Şəhər Klinik Xəstəxanasına yerləşdirilib.

Faktla bağlı araşdırma aparılır.