Yük maşını 77 yaşlı qadını vuraraq öldürüb - Samuxda

Samux rayonunda yük maşını piyadanı vurub. Avtosfer.az-ın APA-ya istinadən xəbərinə görə, hadisə Samuxun Qarayeri qəsəbəsində qeydə alınıb. Qəsəbə sakini, 1940-cı il təvəllüdlü Bayramova Kübra Yusif qızı evinin yaxınlığında yolu keçmək istəyərkən yük maşını tərəfindən vurulub. Ağır vəziyyətdə Gəncə Təcili yardım xəstəxanasına aparılan qadın orada dünyasını dəyişib. Faktla bağlı araşdırma aparılır.