Yük maşını aşdı: iki nəfər xəsarət alıb - Hacıqabulda

Hacıqabulda mebel şirkətinə məxsus avtomobil aşıb. Avtosfer.az-ın APA-ya istinadən məlumatına görə, hadisə Bakı-Qazax avtomobil magistralının 105-ci kilometrliyində, Hacıqabul rayonunun Nəvahi kəndi ərazisində baş verib. “Hyundai” markalı yük maşını yoldan çıxaraq aşıb. İki nəfər xəsarət alıb. Xəsarət alan sürücü və sərnişinə hadisə yerində təcili yardım briqadası tərəfindən yardım göstərilib. Faktla bağlı BDYPİ-də araşdırma aparılır.