Yük maşını ilə 3 mikroavtobus toqquşdu: 12 ölü, 11 yaralı

Çinin mərkəzi hissəsində yerləşən Xenan əyalətində yük maşını ilə 3 mikroavtobusun toqquşması nəticəsində 12 nəfər ölüb, 11 nəfər xəsarət alıb. Avtosfer.az “Report”a istinadən xəbər verir ki, hadisə Pekin-Honkonq-Makao sürət şosesində olub. Belə ki, yük maşını yol kənarındakı ayırıcı hüduda çarpıldıqdan sonra qarşı yola düşüb və üç mikroavtobusla toqquşub. Yük maşınının sürücüsü tutulub. Faktla bağlı araşdırma aparılır.