Yük maşını ilə minik avtomobili toqquşdu: sürücüsü xəsarət alıb - Astarada

Astarada yük avtomobili minik avtomaşını ilə toqquşub, bir nəfər xəsarət alıb. Avtosfer.az-ın APA-ya istinadən verdiyi məlumata görə, Astara sakini, 1980-ci il təvəllüdlü Xalid Tofiq oğlu Həsənovun idarə etdiyi “Mercedes” markalı minik avtomaşını yük avtomaşını ilə toqquşub. Nəticədə X.Həsənov müxtəlif dərəcəli bədən xəsarətləri alaraq, Lənkəran Rayon Mərkəzi Xəstəxanasına çatdırılıb. Vəziyyəti orta-ağırdır.

Fakt araşdırılır.