Yük maşını insan kütləsinə çırpıldı: ölən və xəsarət alanlar var

Çinin Anhoy əyalətində kirəmitlə yüklənmiş yük avtomobili məktəb yaxınlığında insan kütləsinə, eləcə də xeyli sayda elektroskuterə çırpılıb, nəticədə səkkizyaşlı qız ölüb, 4 nəfər ciddi xəsarət alıb, 10-dan çox insan isə yüngül zədələrlə xilas olub. Avtosfer.az salamnews-a istinadən xəbər verir ki, hadisənin Hefey şəhər dairəsinin Luzzyan qəzasındakı məktəblərdən biri yaxınlığında baş verdiyi bildirilir. Yük avtomobili piyadaların üzərinə hərəkət edib. Polis tərəfindən saxlanılan yük avtomobili sürücüsünün sözlərinə əsasən, nəqliyyat vasitəsinin əyləci işləməyib. Hazırda faktla bağlı istintaq aparılır. Yol-nəqliyyat hadisəsinin dəqiq səbəbləri təyin edilir.