Yük maşını insanları əzdi: 4 ölü, 8 yaralı

Çində yük avtomobili dəfn mərasimində iştirak edən insanları əzib. Avtosfer.az-ın APA-ya istinadən verdiyi məlumata görə, hadisə nəticəsində 4 nəfər ölüb, 8 nəfər xəsarət alıb. Olay səhər saatlarında Siçuan vilayətinin Nanyçun şəhər dairəsində baş verib. Məlumata görə, yük maşını dəfn mərasimi iştirakçıları yolun kənarı ilə hərəkət edən zaman onların üzərinə doğru hərəkətlənib. Xəsarət alanlar xəstəxanaya yerləşdirilib, onlardan birinin vəziyyəti ağırdır. Hadisə ilə bağlı təhqiqat başlayıb.