Yük maşını mikroavtobus və minik maşını ilə toqquşdu: 2 ölü, 12 yaralı

Türkiyənin Mardin vilayətində ağır yol qəzası baş verib. Avtosfer.az-ın Trend-ə istinadən məlumatına görə, Artuklu ilə Qızıltəpə bölgələrini birləşdirən avtomobil yolunda betonqarışdıran yük maşınının sürücüsü idarəetməni itirərək qarşı yola çıxıb və qarşıdan gələn mikroavtobus və minik maşını ilə toqquşub. Qəza nəticəsində minik avtomobilinin sürücüsü 27 yaşlı Dilək Değer və onun 3 yaşlı oğlu hadisə yerindəcə həlak olublar. Daha 12 nəfər yaralanıb. Yaralılardan bir neçəsinin vəziyyətinin ağır olduğu bildirilir.