Yük maşını piyadanı vuraraq öldürüb - Ağstafada

Ağstafa rayonunda piyadanın ölümü ilə nəticələnən yol-nəqliyyat hadisəsi baş verib. Avtosfer.az DİN-in saytına istinadən verdiyi məlumata görə, hadisə bu gün gecə  01 radələrində Ağstafa şəhərində qeydə alınıb.

Ağstafa rayon sakini Vüqar Muradov idarə etdiyi “ZİL-133” markalı avtomobillə yolu keçən həmyerlisi Seyidağa Qasımovu vurub. Piyada hadisə yerində ölüb.

Baş İstintaq və Təhqiqat İdarəsi tərəfindən araşdırma aparılır.