Yük maşınına çırpılan minik avtomobilində 4 nəfər öldü – Dəhşətli qəza - VİDEO

Türkiyənin İstanbul vilayətində yerləşən Şimali Mərmərə magistralında ağır yol-nəqliyyat hadisəsi baş verib. 

Avtosfer.az xəbər verir, səhər saat 10:00 radələrində Pendik rayonunun Kurnaköy ərazisindəki ödəniş məntəqələri yaxınlığında minik avtomobili yük maşınına arxadan çırpılıb.

Hadisə nəticəsində avtomobildə olan 4 nəfər – 69 yaşlı Sədi Tanberk, 73 yaşlı Ayşen Yıldız, 63 yaşlı Vahide Kalyoncu və 59 yaşlı Özgür Yıldız hadisə yerində həyatını itirib.

Qəza barədə məlumat aldıqdan sonra əraziyə polis, yanğınsöndürən və təcili tibbi yardım qrupları cəlb olunub. 

Həlak olan şəxslərin meyitləri yaxınlıqdakı xəstəxananın morquna aparılıb. Faktla bağlı araşdırma aparılır.

Eltac Zülfüqaroğlu