Yüksək sürət ağıq qəzaya səbəb oldu – Sərnişin maşındın havaya uçdu  – ANBAAN VİDEO

Yüksək sürət qəzaya səbəb olub. Avtosfer.az xəbər verir ki, hadisə Rusiyanın M-12 “Vostok” federal magistral yolunun 231-ci kilometrliyində, Sudoqodski rayonu ərazisindən keçən hissəsində baş verib.

Məlumata görə, 40 yaşlı sürücü yolun boş olmasından istifadə edərək  yüksək sürətlə idarə etdiyi “Honda” markalı avtomobillə hərəkətdə olan zaman sükana nəzarəti itirib. Bundan sonra idarəetmədən çıxan “Honda” yol kənarındakı dəmir arakəsmələrə çırpılıb. Zərbənin təsirindən nəqliyyat vasitəsi hərəkət edərək bir neçə dəfə fırlanıb və bu zaman sərnişinlərdən biri avtomobildən yola düşüb.

Qəza nəticəsində 1991 və 1975-ci il təvəllüdlü 2 sərnişin müxtəlif dərəcəli bədən xəsarətləri alıb.

Yerli medianın yazdığına görə, sürücü təhlükəsizlik kəməri taxdığına görə, ona heç nə olmayıb.

Baş verən hadisə müşahidə kamerası tərəfindən qeydə alınıb. Həmin qəzanın görüntülərini təqdim edirik:

Namiq Musayev