Yüksək sürət qəzaya səbəb oldu: xəsarət alan var - Gəncədə

Gəncədə yol-nəqliyyat hadisəsi baş verib. Avtosfer.az “Report”a istinadən xəbər verir ki, hadisə şəhərin Təbriz küçəsində qeydə alınıb. Belə ki, dövlət nömrə nişanlı 20-DE-129 olan “BMW-318” markalı avtomobil, dövlət nömrə nişanlı 20-CK-262 olan “Mercedes-Benz” markalı avtomobil ilə toqquşub. Nəticədə “Mercedes-Benz” markalı avtombilin sərnişini xəsarət alıb.

Hər iki avtomobilə ciddi ziyan dəyib. 

İlkin ehtimala görə, avtoqəzaya yüksək sürət səbəb olub.

Faktla bağlı araşdırma aparılır.