Yüngül motorlu təyyarə qəzaya uğrayıb, 2 nəfər ölüb

Bolqarıstanın Sofiya vilayətinin Kostenets yaşayış məntəqəsi yaxınlığında yüngül motorlu təyyarənin qəzaya uğraması nəticəsində 2 nəfər həlak olub. "Report"un RİA "Novosti"yə istinadən verdiyi xəbərə görə, məlumatı ölkənin Daxili İşlər Nazirliyi yayıb. Hadisə yeri hüquq-mühafizə orqanları əməkdaşları tərəfindən qorunur. Qəzanın səbəbləri hələlik müəyyən edilməyib, araşdırma aparılır.

"Nova" telekanalı bildirib ki, ölənlər 30-a yaxın yaşı olan iki qardaşdır.