Zaqatalada KIA ilə "Opel" toqquşdu: XƏSARƏT ALAN VAR - YENİLƏNİB

Zaqatala rayonunun Danaçı kəndi ərazisində baş verən yol-nəqliyyat hadisəsi zamanı xəsarət alan şəxsin vəziyyəti açıqlanıb

Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) bildirilib ki, hadisəsi səbəbi ilə 19 iyun saat 09:20 radələrində bir nəfər (kişi) Zaqatala Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

"2001-ci il təvəllüdlü şəxsə sağ saidin açıq yarası, baş nahiyəsinin travması diaqnozu təyin olunub və zəruri tibbi xidmət göstərilib.

Vəziyyəti orta ağır qiymətləndirilən pasiyentin müalicəsi Təcili tibbi yardım şöbəsində davam etdirilir", - deyə məlumatda bildirilir.

***

Bu gün səhər saatlarında Zaqatalada xəsarətlə nəticələnən yol-nəqliyyat hadisəsi baş verib.

Avtosfer.az oxu.az-a istinadən xəbər verir ki, hadisə saat 09:00-da Zaqatala-Danaçı-Aşağı Çardaxlar avtomobil yolunda qeydə alınıb.

Məlumata görə, KIA markalı avtomobillə "Opel" markalı avtomobil toqquşub. Nəticədə "Opel" aşıb və onun sürücüsü xəsarət alıb.

Faktla bağlı araşdırma aparılır.