Zaqatalada maşın işıq dirəyinə çırpıldı - Yaralılar var

Zaqatalada yol qəzası baş verib.

Avtosfer.az unikal-a istinadən xəbər verir ki, hadisə Zaqatala-Muxax-Yuxarı Çardaqlar avtomobil yolunda baş verib. Vüqar Şahin oğlu Musayevin idarə etdiyi “VAZ" markalı minik avtomobili hərəkətdə olarkən, idarəetmədən çıxaraq yolun kənarındakı elektrik dirəyinə dəyib.Hadisə zamanı sürücü və avtomobildə olan sərnişinlər  - Əfqan Mustafayev və Həmzə Hacıyev müxtəlif dərəcəli bədən xəsarətlərilə Zaqatala Rayon Mərkəzi Xəstəxanasına yerləşdiriliblər.

Faktla bağlı Zaqatala rayon Polis Şöbəsində araşdırma aparılır.