Zaqatalada qəza - Xəsarət alanlar var - YENİLƏNİB

Zaqatala rayonu ərazisində baş verən yol-nəqliyyat hadisəsi zamanı xəsarət alanların sayı artıb.

Avtosfer.az oxu.az-a istinadən xəbər verir ki, Tibbi Ərazi Bölmələrini İdarəetmə Birliyindən (TƏBİB) verilən məlumata görə, hadisə nəticəsində altı nəfər (dörd kişi, iki qadın) Zaqatala Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Müxtəlif bədən xəsarətləri alan şəxslərə zəruri tibbi xidmətlər göstərilib. Vəziyyəti qənaətbəxş qiymətləndirilən beş nəfər ambulator müalicə üçün evə buraxılıb.

Bir nəfər isə daha ixtisaslı tibbi xidmət almaq üçün Respublika Neyrocərrahiyyə Xəstəxanasına təxliyə olunub.

Tibb müəssisəsinin Uşaq neyrocərrahiyyə şöbəsinə yerləşdirilən pasiyentə qapalı kəllə-beyin travması, sol təpə sümüyünün xətti sınığı, sol təpə payında travmatik subdural hematoma diaqnozları təyin edilib.

Onun hazırda müalicəsi davam etdirilir, vəziyyəti stabildir.

***09:30

Zaqatalada qəza baş verib.

Avtosfer.az unikal-a istinadən xəbər verir ki, oktyabrın 19-da saat 12 radələrində Zaqatala şəhəri ərazisində 30 yaşlı Rəsul Corovun idarə etdiyi “Opel” və 45 yaşlı Vüsal İsayevin idarə etdiyi “VAZ-21099” markalı avtomobillər toqquşub. Nəticədə hər iki sürücü və “VAZ”da olan sərnişin, 4 yaşlı uşaq xəsarət alıb. Onlar xəstəxanaya yerləşdiriliblər.

Hadisə ilə baglı araşdırma aparılır.