Zəncirvari qəza: avtomobillərə ciddi ziyan dəyib - FOTO

Lənkəran rayonunda zəncirvari qəza baş verib. Avtosfer.az “Report”a istinadən xəbər verir ki, hadisə Lənkəran şəhəri, Zərifə Əliyeva küçəsində qeydə alınıb.

Belə ki, "Audi Q7" markalı 42 BK 090 dövlət qeydiyyat nişanlı avtomobilin sürücüsü ötmə əməliyyatını pozaraq qəza vəziyyəti yaradıb.

Qarşıdakı "Mercedes" markalı 10 ZV 535 dövlət qeydiyyat nişanlı avtomobil sürücüsü isə qəzadan yayınmaq üçün sağa manevr edib, lakin yol kənarında dayanan "Lada 2104" markalı 42 BU 132 dövlət qeydiyyat nişanlı avtomobilə toxunub. Bu zaman arxadan hərəkətdə olan "Audi Q7" markalı avtomobillə toqquşma qaçılmaz olub. Nəticədə avtomobillərə ciddi ziyan dəyib.

Faktla bağlı araşdırma aparılır.