Zəncirvari qəza ilə bağlı ŞİRKƏTDƏN AÇIQLAMA - Avtobus nasaz olub?

Bakıda baş verən zəncirvari qəzanın təfərrüatları bəlli olub.

165 nömrəli marşrutun avtodəstə rəisi Tağı Məmmədov Avtosfer.az-a açıqlamasında bildirib ki, həmin avtobusun sürücüsü servis avtomobili kimi Yasamal istiqamətində yaşayan xəttin digər sürücüləri ünvanlarına düşürüb.

“Gecə təqribən saat 12-yə qalmış avtobusunu park edib. Səhər saat 04:00-da da gəlib avtomobili götürməli idi. Sürücü evdə olarkən maşın yoxuşdan üzüaşağı hərəkət edib. Yəni, sürücü maşında olmayıb, öz-özünə hərəkət edib. Axşam polis əməkdaşları sürücünün izahatını alıblar. Alkotesterdən keçirilən sürücünün içkili olmadığı müəyyənləşib”.

Şirkət rəsmisi bildirib ki, avtobusun cərimə meydançasına yerləşdirilməsi səbəbilə hansısa texniki nasazlığın olub-olmaması məlumatı yoxdur.

Faktla bağlı araşdırmalar davam etdirilir.

Səfər