Zəncirvari yol qəzası: 3 ölü, 23 yaralı

Rusiyanın Altay diyarında ağır yol qəzası baş verib. Avtosfer.az Rusiya mətbuatına istinadən xəbər verir ki, insident Kosixinskiy rayonunun Ukrayinskiy kəndi ərazisində qeydə alınıb. “LAZ” və “Higer” sərnişin avtobusu, “Qazel” yük maşını və “Audi Q7” markalı minik avtomobilinin toqquşması nəticəsində 3 nəfər hadisə yerində ölüb, 23 nəfər yaralanıb. Xəsarət alanlardan 15-i xəstəxanaya yerləşdirilib.

Hadisə yerinə 100-dən çox xilasedici və 29 ədəd texnika cəlb edilib. Qəza ilə əlaqədar Altay federal avtomagistralı 5 saat bağlı qalıb. İnsidentin səbəbləri müəyyənləşdirilir.