Zəncirvari yol qəzasında 3 nəfər ölüb, 18 nəfər yaralanıb

Türkiyənin Kırşehir şəhərində zəncirvari yol qəzasında 3 nəfər ölüb, 18 nəfər yaralanıb.

Avtosfer.az Türkiyə mətbuatına istinadən xəbər verir ki, Kırşehir-Kaman avtomobil yolunun Karakurt kəndi yaxınlığında fəhlələri daşıyan mikroavtobus 2 avtomobillə toqquşub.

Yaralılar təcili yardım maşınları ilə Kırşehir Tədris və Araşdırma Xəstəxanasına çatdırılıb.

Hadisənin baş verdiyi yolda qatı duman müşahidə edilir. 

(e.huquq.az)