Zərdabda ağır yol qəzası; ölən və yaralananlar var - FOTOLAR

Zərdabda ağır yol qəzası baş verib. Avtosfer.az-ın məlumatına görə, hadisə Zərdab–Ucar avtomobil yolunda qeydə alınıb. "BMW" və "Renault" markalı avtomobillərin toqquşması nəticəsində 1956-cı il təvəllüdlü Mustafa Hacı oğlu Məmmədov hadisə yerində ölüb. Qəza zamanı 2011-ci il təvəllüdlü Məhəmməd Qurban oğlu Neymətli və 1995-ci il təvəllüdlü Gündüz Yusif oğlu Novruzov müxtəlif dərəcəli bədən xəsarətləri alaraq Zərdab Rayon Mərkəzi Xəstəxanasına çatdırılıblar. Faktla bağlı araşdırma aparılır.