Ziya Bünyadovda yolayrıcına daxil olan maşınlar toqquşdu - ANBAAN VİDEO

Paytaxtın Ziya Bünyadov prospektində baş vermiş yol qəzası anbaan kameraya düşüb.

Avtosfer.az-ın məlumatına görə, hadisə sentyabrın 9-da saat 08:50 radələrində qeydə alınıb. Belə ki, yolayrıcına daxil olan 99-RK-055 dövlət nömrə nişanlı “Nissan Kicks” markalı avtomobilin sürücüsü, 77-XN-851 dövlət nömrə nişanlı “Honda İnsight” markalı maşını sağ tərəfdən ötür.“Honda”nın sürücüsü soldan gələn nəqliyyat vasitələrinə diqqət etdiyi üçün dönərkən sağda dayanmış “Nissan”la toqquşur. Hadisə nəticəsində hər iki avtomobilə maddi ziyan dəyir.

Qeyd edək ki, Qanunvericiliyə görə ötmə yalnız sol tərəfdən həyata keçirilməlidir. Sağdan ötməyə yalnız o halda icazə verilir ki, qarşıdakı avtomobil sola, yaxud geriyə dönmək üçün dönmə işığı yandıraraq bu manevri həyata keçirsin.

Nərmin