"Bizi öləndə haradan aparacaqlar?" - Sakinlərin yol problemi - VİDEO

Cəlilabad rayonunun Ocaqlı kənd sakinləri Baku TV-nin qaynar xəttinə müraciət edərək illərdir problemlə üzləşdiklərini bildiriblər. Onların sözlərinə görə, kənddaxili yolların əksər hissəsi bərbad vəziyyətdədir. Vətəndaşlar deyirlər ki, yağışlı-qarlı havalarda yollar keçilməz olur. Bu isə həm nəqliyyatın hərəkətini çətinləşdirir, həm də insanların gündəlik həyatına ciddi təsir göstərir. "Övladlarım Bakıda yaşayır. Gəlməyə yol tapmırlar. Mən öləndə haradan aparacaqlar? Nəvələrim məktəbə gedə bilmirlər. Yolun vəziyyətinə görə təcili yardım da gəlmir. Biz insan deyilik?! Mənim balalarım yaşamamalıdırlar?!" - deyə şikayətçi Firiqə Sadıqova narazılığını bildirib.