“Əl enerjisi” ilə müalicəyə inananlar bunu bilirdimi? – Psixoloqdan AÇIQLAMA

Son günlər Bakıda fəaliyyət göstərən özəl estetik klinikalardan birində “əl enerjisi” ilə müalicə apardığını iddia edən əcnəbi saxlanılıb. O, insanlara əl ilə bio-müalicə vəd edirmiş. Belə hallar göstərir ki, bəzi insanlar elmi əsası olmayan üsullara asanlıqla inanır və bu, onların psixoloji vəziyyəti, ümid axtarışı və sosial təsirlərlə bağlı ola bilər.
Bu mövzu insanları belə fırıldaqçılardan qorumağın yollarını və insan psixologiyasının bu cür hallara necə reaksiya verdiyini anlamaq baxımından maraqlıdır.
Məsələ ilə bağlı psixoloq Orxan Şəfizadə Avtosfer.az-a açıqlamasında bildirib ki, əl enerjisi, “bio-müalicə” kimi iddiaların elmi əsası yoxdur:

“Buna baxmayaraq, insanlar belə metodlara tez inanırlar. Bunun əsas səbəbi insan psixologiyasında ümidə ehtiyac, tez həll axtarışı və müxtəlif koqnitiv qərəzlərdir. İnsan özünü yaxşı hiss etmək istədiyi üçün bəzən sübutu olmayan şeylərə inanmağa meylli olur. Belə hallarda plasebo effekti və təsdiqləmə qərəzi də rol oynayır: insan inanmaq istədiyini görür və bunu “möcüzə” kimi qəbul edir. Bu isə bəzi şəxslərin insanların zəif anlarından istifadə edib özlərini “şəfaçı” kimi təqdim etməsinə imkan yaradır. Özünü qorumağın ən yaxşı yolu tənqidi düşüncə, elmi yanaşma və sübut tələb etməkdir. Hər iddiaya sadə bir sual vermək lazımdır: bunun elmi sübutu varmı? İnsanların yaratdığı “enerji möcüzələri” isə çox vaxt sadəcə psixoloji manipulyasiyadır”.
Fatimə Dadaşova
İşəgötürən işçini hansı hallarda işdən çıxara bilər? – HÜQUQŞÜNAS
Məktəblərin maliyyələşməsində yeni dövr: Hansı yeniliklər olacaq?
Bəzi ərazilərdə qaz olmayacaq - YENİLƏNİB
Məcburi köçkün statusu alan kişiləri hansı güzəştlər gözləyir? – HÜQUQŞÜNAS
Müəssisələrə yerləşdirilən uşaqların ailələrinə qaytarılması necə həyata keçirilir? – HÜQUQŞÜNAS
Bakıda avtobus zolağı sürücüləri çaşdırır: Xətlər görünmür, cərimə yazılır - VİDEO
Sosial mediada hansı hərəkət və danışıqlar qanun pozuntusu hesab edilir? - HÜQUQŞÜNAS
Zelenskinin cəbhə xətti ilə bağlı qərarı ABŞ ilə münasibətlərə necə təsir edəcək? – TƏHLİL
Preferensial Ticarət Sazişi siyahısında olan məhsullar niyə bahalaşır? – NATİQ CƏFƏRLİ
Gəncədə avtomobil piyadanı vurub, vəziyyəti ağırdır
Metroda gediş haqqı artırılacaq? - RƏSMİ












