Məktəblərdə mobil telefondan istifadə qadağan edilsin? - VİDEO

Rəsmi statistikalara əsasən, Azərbaycanda məktəblilərin təxminən 78 faizi dərs üçün mobil telefondan istifadə edir.

Avtosfer.az xəbər verir ki, təhsil eksperti Elşən Qafarov deyir ki, tədris zamanı telefondan istifadə dərs prosesinə mane olur.

Ekspert hesab edir ki, hər məktəbin nizamnaməsi olmalıdır ki, bu qaydalar da tənzimlənsin.

Onun sözlərinə görə, telefon qadağasının tətbiqinin müsbət tərəfləri çoxdur. Birincisi, şagirdlərin dərsə diqqəti artır, müəllimlər dərs prosesinə nəzarəti daha rahat həyata keçirirlər.

İkincisi, sosial-emosional mühit yaxşılaşır, uşaqlar bir-biri ilə ünsiyyət qurmağa, müzakirələr aparmağa başlayır.