Ticarətdə nağd ödəniş vergidən yayınma fürsəti yaradır – NATİQ CƏFƏRLİ

Müasir dövrdə onlayn və nağdsız ödənişlərin sayı sürətlə artır. Kartla, mobil tətbiqlərlə və onlayn sistemlərlə aparılan əməliyyatlar gündəlik həyatın ayrılmaz hissəsinə çevrilir. Bu proses iqtisadiyyatın şəffaflaşması və maliyyə əməliyyatlarının izlənməsi baxımından önəmlidir. Maraqlıdır bu proses kölgə iqtisadiyyatına nə qədər təsir edib?

Məsələ ilə bağlı iqtisadçı Natiq Cəfərli Avtosfer.az-a açıqlamasında bildirib ki, güclü sistem qurulmalıdır ki, kölgə iqtisadiyyatına şərait yaranmasın:
“Nağdsız ödənişlər kölgə iqtisadiyyatının azalmasına kömək edir, amma sistem elə qurulmalıdır ki, ödəniş hansı formada həyata keçirilməsindən asılı olmayaraq kölgə iqtisadiyyatı yaranmasın. Təbii ki, nağdsız ödənişlər kölgə iqtisadiyyatının azalmasına xidmət edən amillərdən biridir.
Ticarət və ictimai sahədə hələ də daha çox nağd ödənişlərdən istifadə olunduğundan həmin sahələrdə kölgə iqtisadiyyatının elementləri, birinci növbədə vergidən yayınma fürsətləri daha çox nəzərə çarpır”.
Nurcan Babək