E-poçt istifadə edərkən diqqətli olun – MƏLUMATLARINIZ OĞURLANA BİLƏR

Kibertəhlükəsizlik mütəxəssisləri “Gmail”, “Outlook” və “Apple” e-mail istifadəçilərinə xəbərdarlıq edib. 

Avtosfer.az xəbər verir ki, süni intellekt indi saxta e-poçtları tanınmaz hala gətirir.

Süni intellekt texnalogiyası fırıldaqçıların işini asanlaşdırır və onlara “hiper fərdiləşdirilmiş e-poçtlar” yaratmağa imkan verir. Bu mesajlar o qədər inandırıcıdır ki, zərərçəkənlər fırıldaqçılığı görməsini qeyri-mümkün edir. Süni intellekt botları sosial şəbəkə fəaliyyətini təhlil edərək istifadəçilərin maraqlarını və reaksiyalarını proqnozlaşdırır. Bu məlumatlardan istifadə edərək, fırıldaqçılar saxta, lakin inandırıcı e-poçtlar hazırlayır və onları dostları və ya ailələri kimi qurbanlara göndərirlər.

“McAfee”nin araşdırmalarına görə, süni intellekt alətləri sayəsində fırıldaqçılar etibarlı mənbələrdən gəldiyi görünən e-poçt və mesajlar hazırlaya bilərlər. Bu cür hücumların həm sayının, həm də mürəkkəbliyinin artacağı gözlənilir.

ABŞ Kibertəhlükəsizlik və İnfrastruktur Təhlükəsizliyi Agentliyinin məlumatlarına əsasən, uğurlu kiberhücumların 90%-dən çoxu saxta e-poçtlarla üzərindən baş verir. Xüsusilə bank və ya etibarlı qurum kimi görünən bu mesajlar istifadəçiləri tələyə salır. Hətta təhlükəsizlik filtrləri belə qabaqcıl saxtakarlıq üsullarını aşkar etmək üçün yetərli olmaya bilər.

Eltac Zülfüqaroğlu