Həqiqi transformer - Təyyarə 2 dəqiqədə maşına çevrildi - VİDEO

Slovakiyada avtomobilə çevrilə bilən təyyarə hazırlanıb. Yarım saat uçduqdan sonra təyyarə bir maşına çevrilərək hava limanından küçələrə çıxıb.
Avtosfer.az bildirir ki, 74 km-lik məsafəni 30 dəqiqəyə qət edən təyyarənin avtomobilə dönüşməsi cəmi 3 dəqiqə çəkib. Əksinə avtomobilin təyyarəyə çevrilməsi isə 2 dəqiqə 15 saniyəyə başa gəlir. Təyyarənin havaya qalxması üçün kiçik bir pist lazımdır. 

“AirCar”ın göyərtəsində iki nəfər əyləşə bilir. “AirCar” 1.6 litrlik “BMW” (160 at gücündə) mühərrik, sabit pervane və ballistik paraşütlə təchiz edilib. 
Cihazın çəkisi 1200 kq-dır. “AirCar"ın bu ilk prototipi maksimum sürəti 190 km / saat olmaqla 2,5 km-ə qədər yüksəkliklərdə uça bilər. İkinci prototipin isə 300 at gücündə mühərriklə təchiz edilməsi planlaşdırılır.

Aysel