İlk şəhərətrafı qatar istehsal olundu

TÜRASAŞ şirkətinin Sakaryadakı müəssisəsində istehsal edilən Türkiyə istehsalı olan ilk şəhərətrafı qatar (elektrik qatarı) ölkənin cənubundakı Qaziantep vilayətinə istismara göndərilib.

Avtosfer.az “Azərtac”a istinadən xəbər verir ki, bu barədə çərşənbə günü, martın 5-də Türkiyənin nəqliyyat və infrastruktur naziri Abdulkadir Uraloğlu məlumat verib.

O qeyd edib ki, ümumilikdə 32 vaqondan ibarət səkkiz qatarın istehsalı planlaşdırılır. Qatarların maksimal sürəti saatda 90 kilometrdir.

Nazir qeyd edib:

“Şəhərətrafı ölkədaxili dəmir yolu qatarları 1000-ə qədər sərnişin daşımaq üçün nəzərdə tutulub və ən son texnologiya ilə təchiz olunub. Bu, Türkiyə dəmir yolu sənayesinin vaqon və lokomotiv idxalından asılılığını azaldacaq və ixracı yaxşılaşdıracaq”.