“Whatsapp”da YENİLİK: Kanallar yaradılacaq

“WhatsApp” messencerinin iOS üçün beta versiyasında istifadəçinin hesabında onun abunə olduğu kanalların siyahısını görməyə imkan verən yeni funksiya aşkarlanıb.

Bu barədə "WABetaInfo" portalı məlumat yayıb.

Ekran görüntüsündə gördüyünüz kimi, kanalların siyahısı "Status" bölməsində göstəriləcək, daha sonra adı "Yeniləmələr" olaraq dəyişdiriləcək. Bu, həm istifadəçinin cari vəziyyətini, həm də abunəliyini ehtiva edəcəkdir. Kanallar üçün daha çox ekran sahəsi boşaltmaq səbəbi ilə statuslar üfüqi cərgədə yerləşdiriləcək.

Qeyd etmək lazımdır ki, kanal funksiyası da hələlik ümumi istifadəçi üçün əlçatan deyil - o, inkişaf mərhələsindədir. Güman edilir ki, “WhatsApp”da kanallar "Telegram" kanalları prinsipinə uyğun qurulacaq – istifadəçilər hansına abunə olmağı seçə və lentdə yalnız onları maraqlandıran məzmunu görə biləcəklər. Kanal funksiyasının ictimai buraxılış tarixi, eləcə də istifadəçi hesabında olan kanalların siyahısı hələ açıqlanmayıb.(lent.az)