“WhatsApp”da yeni funksiya AKTİVLƏŞƏCƏK

“WhatsApp” messencerinin tərtibatçıları stikerlərin yaradılması funksiyasını genişləndirmək məqsədi daşıyan yeniləmə elan ediblər.

Bu barədə şirkətin bloqunda deyilir.

Bu yeniləmənin bir hissəsi olaraq, "WhatsApp Giphy"nin stiker kitabxanasını birləşdirəcək. İstifadəçilər axtarış üçün mətn və ya emojidən istifadə edərək stikerləri axtara və paylaşa biləcəklər.

Əvvəllər yalnız iOS-da mövcud olan stikerlərin yaradılması və redaktə edilməsi funksiyası "Android"də də görünəcək. İstifadəçilər daxili alətlərdən istifadə edərək öz şəkillərini stikerlərə çevirə və ya mövcud fotoları redaktə edə biləcəklər. Yaradılmış stikerlər avtomatik olaraq istifadəçi kitabxanasında saxlanılır.

Bu yeniliklər növbəti bir neçə həftə ərzində tədricən tətbiq olunacaq. "Android" və "iPhone"da yeni funksiyaların görünməsinin dəqiq vaxtı hələ açıqlanmayıb. (redaktor)