Veloparkda keçirilən Bakı birinciliyində qəza baş verib. Oxu.az xəbər verir ki, qəzaya Azərbaycan Milli Anti-Dopinq Agentliyinin (AMADA) xanım əməkdaşı səbəb olub. Azərbaycan Velosiped İdmanı Federasiyasının mətbuat xidmətinin rəhbəri Pərviz Musayev bu barədə bildirib: “İyunun 17-də Veloparkda keçirilən Bakı birinciliyində böyük bir qəzadan qaça bildik. Gənclər/U-23 kateqoriyasının yarışı zamanı AMADA-nın xanım əməkdaşı diqqətsizlik edərək velosipedçilərin yoluna çıxdı.

Nəticədə, qəzadan qaçmağa çalışan idmançımız İbad Abbasov yıxıldı və zədələndi, velosipedlərdən birinin raması çatladı, digərinin isə karbon qabaq təkəri əyildi. Xanım əməkdaş isə heç bir şey olmayıbmış kimi yoluna davam etdi”.