Axşam içki qəbul edən sürücü səhər sərxoş ola bilərmi? - AÇIQLAMA - VİDEO

“Bir bakal pivə və yaxud içərisində spirt olan hansısa enerji içkisi belə alkotesterdə sürücünü sərxoş kimi göstərə bilər. Bu, içkinin dozasından asılıdır”.

Avtosfer.az xəbər verir ki, bunu Respublika Narkoloji Mərkəzinin direktor müavini İlham Məmmədov deyib.

O, bildirib ki, spirtli içki qəbul edən şəxs azı 12 saat nəqliyyat vasitəsini idarə etməməlidir. Əgər müəyyən saat keçib, amma şəxs özünün narahat hiss edirsə yenə də avtomobili idarə etməli deyil.

İlham Məmmədov qeyd edib ki, bəzi dərmanlarda da test zamanı müəyyən spirtli içki miqdarı çıxa bilər. Amma bu qanunla qadağan olunmuş faizi keçmir. Həmçinin alkotesterlər də bir ildən bir yoxlanılmalıdır.

İstənilən halda sərxoş vəziyyətdə sükan arxasına keçmək həm özünüzün həmdə digər şəxslərin həyatını təhlükəyə atmaq deməkdir. Dünya təcrübəsi də göstərir ki, ən ağır və ya bir neçə nəfərin ölümü ilə nəticələnən qəzaların çoxu spirtli içkinin təsiri altında olan sürücülərin üzündən baş verir.

Daha ətraflı videomaterialda.