Bakı yollarında "əjdaha yuvaları" peyda olub - VİDEO

Binəqədi rayonu, Binəqədi qəsəbəsində yollar bərbaddır.

Avtosfer.az xəbər verir ki, bu barədə kənd sakinləri "Baku.ws"in "qaynar xətti"nə şikayətlərində bildiriblər.

Qeyd edilir ki, Mədən 3, korpus 112 ünvanında yollar dağılıb. Ərazi bərbad olduğundan sakinlər avtomobillə evlərinə gedə bilmirlər. Yollarda "əjdaha yuvaları"nı xatırladan çalalar yaranıb.

Xəstə üçün çağırılan təcili yardım maşını və digər həyatı əhəmiyyətli avtomobillər də həmin ərazidən istifadə edə bilmir.

Sakinlərin sözlərinə görə, dəfələrlə lazımı yerlərə bu barədə bildirilsə də, problem həll edilmir.