Bakıda sahibsiz itlər insanlara təhlükə yaradır - VİDEO

Son illərdə sahibsiz itlərin peyvəndlənməsi, qısırlaşdırılması prosesi həyata keçirilsə də, bu canlılar yenə insanlara təhlükə yaratmaqda davam edir.

Avtosfer.az-ın məlumatına görə, Xətai rayonu, Vunqtau küçəsinin sakinləri bildirirlər ki, sahibsiz itlər səbəbindən rahat hərəkət edə bilmirlər.

Sakinlərin sözlərinə görə, dəfələrlə sahibsiz itlərin hücumuna da məruz qalıblar.

Məsələ ilə bağlı sahibsiz itlərə qayğı mərkəzlərinə də müraciət edən sakinlər vurğulayıblar ki, bir dəfə itlərin köçürülməsinə cəhd olunub. Lakin qısa müddət sonra onlar yenidən ərazidə peyda olub.

Xətai Rayon İcra Hakimiyyətindən isə "Xəzər Xəbər"ə bildirildi ki, onlara bu barədə müraciət daxil olduğu halda məsələ ilə bağlı müvafiq tədbir görüləcək. 

Ətraflı videomaterialda.