Ərşad Hüseynovdan isti havalarla bağlı sürücülərə TÖVSİYƏLƏR

Hüquqşünas Ərşad Hüseynov havaların isti keçməsi ilə bağlı sürücülərə müraciət edib. Müraciətdə bildirilir ki, belə havalar yol nəqliyyat hadisələrinə səbəb olur. Ona görə də sürücülər aşağıdakı qaydalara müraciət etməlidir.

Avtosfer.az müraciəti təqdim edir:

"Sürücü və sərnişinlər nəzərə alsınlar ki, belə qızmar havada kondisionersiz avtomobillə yola çıxmaq çox risklidir. Ən riskli vaxt isə 11.00-18.00 arası olan saatlardır.
Unutmayın ki, günəş altında ən çox qızan yer asfalt yollardır. Təsəvvür edin ki, havanın temperaturu 40 dərəcədən çoxdursa, asfaltın üzərində 1-2 metrlik hava təbəqəsinin temperaturu 50-dən çox olacaq (asfaltın öz temperaturu 60-ı, hətta 70-i keçə bilər).

Pəncərəsi açıq avtomobildə hərəkət edərkən belə qızmar hava axını insan bədəninin mayesini daha qısa müddətdə azaldacaq, gözlər qurumağa başlayacaq. Adamın yaşından və səhhətinin ümumi vəziyyətindən asılı olaraq bunun ciddi fəsadları ola bilər, sükan arxasında sürücünün halının pisləşməsi ağır qəzaya səbəb ola bilər.
Özünüzü qoruyun".