"İctimai nəqliyyat inkişaf etdirilməlidir"- AÇIQLAMA

Son zamanlar paytaxt ərazisində ciddi sıxlıq müşahidə olunub. Hazırda demək olar ki, günün bütün saatlarında tıxaclar yaranıb. Big.az-a açıqlama verən ekspert Elməddin Muradlı məsələyə aydınlıq gətirib:

"Tıxac problemi həyatımızın bir parçasına çevrilib. Bu vaxtında görülməyən tədbirlərin nəticəsidir. Çıxış yolu artıq getdikcə daralır. Son zamanlar tıxacın yaranma problemi yollarda intensivlik, şəxsi avtomobillərin sayı artıb. Sərhədlər bağlı olduğuna görə yay tətilində şəxsi avtomobillə xaricə çıxanlar demək olar ki yoxdur. Daha doğrusu gedə bilmirlər. Yol infrastrukturu ilə ciddi məşğul omaq lazımdır. İctimai nəqliyyat inkişaf etdirilməlidir. İnsanları şəxsi avtomobildən uzaq tutmaq üçün ictimai nəqliyyatın imkanları genişləndirilməli, saat kimi dəqiq işləməlidir. Əks-təqdirdə vəziyyət daha da ağır olacaq. Getdikcə şəxsi avtomobillərə maraq artmaqdadır. Yollarda qalmamaq, sıxlığa düşməmək üçün vətəndaşlar şəxsi avtomobillərə üstünlük verirlər. Burada insanları qınamaqda olmur. Hamı mənzil başına tez və rahat çatmaq istəyir. Heç kim iş yerinə gecimək istəmir. Bu səbəblər artıq göz qabağındadır. Bu sadalananların tək çarəsi ictimai nəqliyyatın inkişafından keçir. Hələlik başqa bir çıxış yolu görünmür".