Qəza zamanı parça-parça olan maşınlar belə yığılıb yenidən satılır - VİDEO

Bir neçə avtomobilin hissələrini birləşdirərək yenisini yaradan ustanın «yaradıcılığını» əks etdirən video sosial şəbəkələrdə yayılıb.
Avtosfer.az bildirir ki, köhnə avtomobillər qəzaya düşən kimi yararsız hala qaldığı hər kəsə məlumdur. Ancaq bu, dələduzların iştahını daha da artırır. Belə avtomobilləri sahiblərindən ucuz qiymətə alan bu «ustalar» leqo yığırmış kimi bir neçə avtomobili birləşdirərək yenisini meydana gətirir. Köhnə və qəzalı maşını satan şəxs isə əvəzində aldığı pula sevinir. Burada uduzan tərəf yenə də köhnə avtomobil alandır. O, bilmir ki, aldığı maşın deyil, «gəzən tabutdur».
Azərbaycanda avtomobil parkının böyük əksəriyyəti köhnə avtomobillərdən ibarətdir. Bəzi insanlar köhnə əşyalarını belə ata bilmir nəinki, avtomobilərini. Bəziləri isə qiymət ucuz olsun deyə hər vasityə əl atır. Ucuz ətin şorbası olmaz misali avtomobil məsələsində tam üstünə düşür. Çünki keyfiyyəti də özü kimi ucuz olan bu avtomobillər kiçik bir qəzada belə yararsız hala düşür. Elə məhz bu halların qarşısının alınması və köhnə avtomobillərin bazardan yığışılması üçün artıq müəyyən tədbirlər görülməyə başlanılıb. Hazırlanmaqda olan utulizasiya layihəsinə əsasən köhnə avtomobilini təhvil verənlərə yenisini almaqda güzəştlər ediləcək. Bu layihə həyata keçiriləndən sonra güman edirik ki, köhnə avtomobillər sadəcə bir dəmir yığınınına çevriləcək. Əks halda qəzalar zamanı can itgisi azalmayacaq, çünki bu avtomobillərin içindən salamat insan çıxamaq ehtimalı çox azdır. Ən acınacaqlı hallardan biri də budur ki, bu köhnə avtomobillər bahalı maşınlarla toqquşanda bütov bir avtomobillərini satsalar belə, o bahalı maşının buferinin pulunu verə bilmir.
 «Əcnəbi yolda hibridlərlə gəzir, biz hələ köhnələrdən enməyiriz» – Mirzə Ələkbər Sabir sağ olsaydı belə deyərdi. 

Aysel