Qobuda sakinlər yolun bağlanmasından şikayətçidirlər - VİDEO

Abşeron rayonu Qobu qəsəbəsi Hacı Zeynalabdin Tağıyev küçəsində yaşayan sakinlər istifadə etdikləri yolun bağlanmasından narazıdırlar. Baku TV-nin qaynar xəttinə şikayət edən vətəndaşların sözlərinə görə, 3 nömrəli tam orta məktəbin tikintisi ilə əlaqədar olaraq yol ləğv edilib və bu da onlar üçün ciddi çətinliklər yaradıb. Sakinlərin iddiasına görə, 2008-ci ilə qədər həmin ərazidə avtomobil yolu mövcud olub, lakin məktəb tikildikdən sonra yol bağlanıb. Onlara piyada gediş-gəliş üçün yer ayrılsa da, 2025-ci ildən yol ləğv edilib. Nəticədə, sakinlər evlərinə və məktəbə rahat gedib-gələ bilmirlər. Onların sözlərinə görə, təxminən 10 minə yaxın sakin bu vəziyyətdən əziyyət çəkir. Məktəbin tikintisində çalışan iş icraçısı isə hər şeyin layihəyə uyğun aparıldığını və bununla bağlı sənədlərin mövcud olduğunu qeyd edib.

Ətraflı süjetdə: