Sakinlər həyətlərində ağır texnikaların saxlanılmasından narazıdır – Sürücülər isə ... - VİDEO

Yaşayış binasının qarşısında saxlanan ağır texniki vasitələr sakinlərin narazılığına səbəb olub.

Avtosfer.az xəbər verir ki, vaxtı ilə Ukrayna dairəsinin yaxınlığında, boş ərazidə saxlanan bu texnikalar indi bir neçə binanın ümumi həyətinə giriş olan yerdə parklanıb.

Sakinlərin sözlərinə görə, dəfələrlə xəbərdarlıq etsələr də nəticəsi olmur. Elə sürüclərin özləri də şikayətləri qəbul etmək fikrində deyillər.

Maşını idarə edən sürücülərdən biri ilə telefonla əlaqə saxladıq. Ad soyadının Kənan Məmmədov olduğunu deyən sürücü həmin nəqliyyat vasitəsini elə bu səbəblərə görə iki aydı satdığını dedi və vurğuladı ki, maşını saxlamağa heç bir yerdə icazə vermirlər, qaraj isə yoxdur.

Məsələ ilə bağlı Xətai rayon İcra Hakimiyyətindən əraziyə yerində baxış keçiriləcəyi, eləcə də tədbir görülməsi üçün müvafiq qurumlara məlumat veriləcəyi bildirildi.

Daha ətraflı videomaterialda.