Sərnişinlər ən çox hansı nəqliyyat növünə üstünlük verirlər? – SİYAHI

Bu ilin ilk 9 ayı ərzində nəqliyyat vasitələri ilə 1 milyard 565,2 milyon sərnişin daşınıb.

Avtosfer.az “Yeniavaz”a istinadən xəbər verir ki, 2025-ci ilin yanvar–sentyabr aylarında nəqliyyat vasitələrindən istifadə edən sərnişinlərin sayı ötən ilin eyni dövrü ilə müqayisədə 5,4% artıb.

Qeyd edək ki, sərnişindaşıma üzrə ən böyük pay avtomobil nəqliyyatının payına düşüb. Hesabat dövründə avtomobil nəqliyyatı ilə 1 milyard 392,4 milyon sərnişin daşınıb ki, bu da 2024-cü ilin müvafiq dövrü ilə müqayisədə 6,3% çoxdur.

Bu ilin ilk 9 ayında avtobuslarla 1 milyard 330,6 milyon sərnişin daşınıb. Bu göstərici əvvəlki illə müqayisədə 6,6% artım deməkdir.

Dəmir yolu nəqliyyatında da artım qeydə alınıb. Belə ki, dəmir yolu ilə sərnişin daşınması 7 milyon 156,8 min nəfərə çatıb və bu, 2024-cü ilin eyni dövrü ilə müqayisədə 19,5% çoxdur.

Taksi xidmətindən istifadə edənlərin sayı isə 61,8 milyon nəfərə yüksəlib və 0,7% artım qeydə alınıb.

Metrodan istifadə edən sərnişinlərin sayı isə 162,5 milyon olub və ötən ilin eyini dövrü ilə müqayisədə 2,4% azalıb. Dəniz nəqliyyatından 19,3 milyon, hava nəqliyyatında isə 3,1 milyon sərnişin istifadə edib. Əvvəlki ilin eyni dövrü ilə müqayisədə dəniz nəqliyyatından istifadə edən sərnişinlərin sayı 9,8% azalıb, hava nəqliyyatında istifadə edən sərnişinlərin sayı isə 1,5% artıb.