Xırdalanda hər gecə küçə ilə diskotekanı səhv salan sürücülər - VİDEO

Xırdalanda sakinləri narahat edən daha bir məsələ səs-küy problemidir.

Avtosfer.az xəbər verir ki, bu barədə “Baku.ws”in "qaynar xətti"nə Abşeron rayonu, Xırdalan şəhəri, Qalubiyyə küçəsində yaşayan sakinlər tərəfindən çoxsaylı şikayət daxil olub.

Sakinlərin sözlərinə görə, həmin ərazidə axşam saatlarından başlayaraq davam edən səs-küy onların gündəlik həyatına ciddi şəkildə mənfi təsir göstərir.

Şikayətdə bildirilir ki, demək olar hər 30 dəqiqədən bir avtomobillərdə yüksək səslə musiqi səslənir, motosikletlərin yaratdığı gurultu isə hətta gecə saat 12-dən sonra da səngimir.

Nəticədə ailələr evdə rahat şəkildə istirahət edə bilmir, körpə uşaqlar səsə görə tez-tez yuxudan oyanırlar.

"Bu evdə yatanı, xəstəsi, körpəsi olan var. Səs-küydən evdə otura bilmirik. Tək mən yox, bu küçədə yaşayan bir çox ailə bu vəziyyətdən əziyyət çəkir," – deyə sakinlər bildirir.