Xırdalanda küçəni su basdı; yolu nə piyada, nə də avtomobil keçə bilir - VİDEO

Abşeron rayonu Xırdalan şəhəri Həsən bəy Zərdabi küçəsi yağışdan sonra keçilməz vəziyyətə düşüb.

Avtosfer.az xəbər verir ki, bu barədə “Qafqazinfo”ya həmin ünvanda yaşayan sakinlər müraciət ediblər.

Ərazidən videogörüntülər təqdim edən sakinlərin sözlərinə görə, küçədən sel axır, yolu nə piyada, nə də avtomobillə keçib getmək mümkündür.

Problemlə əlaqədar Abşeron Rayon İcra Hakimiyyəti ilə əlaqə saxladıq. Qurumdan sorğumuza cavab olaraq bildirildi ki, sözügedən hadisə ərazinin kanalizasiya xəttindəki su ötürücüsündəki qəza səbəbindən baş verib:

“Buna görə də nasosların fəaliyyəti məcburi şəkildə 1 saat ərzində dayandırılıb. Çox qısa zamanda baş vermiş qəzanın nəticələri aradan qaldırılıb, bununla da nasoslar tam gücü ilə istifadəyə verilib. Artıq yaranmış problem aradan qaldırılıb”.