Yeni il hədiyyəsi, yoxsa vaxtı keçmiş məhsullar? - VİDEO

Son günlər mağazalarda Yeni il üçün hazır hədiyyə qutuları satışa qoyulub. Qutuların içini isə alıb evdə açdıqdan sonra görmək olur.

Avtosfer.az-ın məlumatına görə, paytaxt sakinləri deyirlər ki, sözügedən hədiyyə qutularının içində bəzən istifadə müddəti bitmiş köhnə məhsullar olur.

Nəzərə alsaq ki, bu hədiyyə qutuları uşaqlar üçün alınır, diqqətli olmağın nə dərəcədə vacib olduğunu deməyə ehtiyac yoxdur.

Eskpertlər tövsiyə edirlər ki, belə hədiyyələrin evdə hazırlanması daha məqsədəuyğundur.

Qida eksperti Ağa Salamov bildirib ki, hazır şəkildə alınmış bəzi məhsullar qida zəhərlənməsinə də səbəb ola bilər.

Eskpert qeyd edib ki, belə məhsulları alan zaman kassa çeki götürmək və onu saxlamaq lazımdır. Həmçinin də hədiyyəlik məhsulun üzərindəki istehsal və son istifadə tarixlərinə baxmaq mütləqdir.