Yol nişanlarını sözlə yazmağa ehtiyac varmı? - FOTO

Azərbaycan vətəndaşı Hicran Quliyev facebokk sosial şəbəkəsində yol hərəkəti qaydalarına aid Türkiyədə çəkdiyi fotoşəkil paylaşıb. O, qeyd edib ki, Türkiyədə "2.4 - Yol ver" nişanı şəkildə gördüyünüz kimidir. Nişanın altında yazı ilə də qeyd olunub "Yol ver". Maraqlıdır, nə ehtiyac var ki, nişanın tələbi sözlə də ifadə olunsun?

Yol hərəkəti üzrə ekspert Ərşad Hüseynov həmin məsələyə belə şərh verib ki, dünyanın bütün dövlətlərində tətbiq olunan yol nişanları 1968-ci il "Yol nişanları və siqnalları haqqında" Konvensiya ilə müəyyən edilib. Bu nişanların mütləq əksəriyyəti hər kəsin ən asan başa düşə biləcəyi və nişanın mənasını daha konkret ifadə edəcək rəmzlərdən (təsvirdən) və qrafiki tərtibatdan ibarətdir. Ona görə də nişana əlavə olaraq söz yazmağa ehtiyac yoxdur, çünki nişanlar dünyanın istənilən dilini bilən və başqa dilləri bilməyən insan üçün anlaşılan olmalıdır. Əksinə, belə sözlər türk dilini bilməyən sürücünü çaşdıracaq: «Çünki sürücü fikirləşəcək ki, nişanın altındakı əlavə yazı görəsən nə deməkdir. Türk qardaşlar belə etməkdə bəlkə də zarafat ediblər».

Fidan