100 manatlıq cərimə ləğv edildi

Milli Məclisin bu gün keçirilən plenar iclasında “İnzibati Xətalar Məcəlləsində dəyişiklik edilməsi haqqında” qanun layihəsi müzakirəyə çıxarılıb. Nəzərdə tutulan dəyişiklik 4 ay əvvəl qüvvəyə minən yəni İnzibati Xətalar Məcəlləsinin 189-cu maddəsinin 2-ci bəndinin ləğv edilməsi ilə əlaqədardır. Belə ki, İnzibati Xətalar Məcəlləsinin 189-cu maddəsinin 2-ci bəndinə əsasən müvafiq icra hakimiyyəti orqanının müəyyən etdiyi səbəblər istisna olmaqla, dünyəvi icbari ümumi orta təhsil üzrə dərs gününün şagird tərəfindən bir ay ərzində 7 gündən çox buraxılmasına görə valideynlər və ya onları əvəz edən şəxslər yüz manat məbləğində cərimə edilir.

Millət vəkili Elmira Axundova Milli Məclisin 4 ay əvvəl qəbul etdiyi qanunun ləğvini düzgün saymayaraq buna etiraz edib.

Spiker Oqtay Əsədov isə ötən illərdə çoxlu sayda qanun layihələrinin geri qaytarıldığını xatırladıb: “Elmira xanım, siz bu məsələyə niyə belə reaksiya verirsiniz?”.

Qeyd olunan məsələ Milli Məclisdə səs verməyə çıxarılaraq qəbul edilib və beləliklə övladının məktəbə davamiyyətsizliyinə görə valideynin cərimələnməsi nəzərdə tutan cəza 100 manatlıq cəza ləğv edilib.