Ağsu aşırımında avtomobillərin hərəkət tam bərpa edilib

Ağsu dolaylarında hərəkət tam bərpa olunub. Avtosfer.az xəbər verir ki, bu barədə "Azəravtoyol" ASC-nin mətbuat xidməti məlumat yayıb. Qurumdan bildirilib ki, Bakı-Şamaxı-Yevlax avtomobil yolunun 143-157-ci kilometrlik hissəsi yenidən sürücülərin istifadəsinə verilib. 

Qeyd edək ki, ötən ay Bakı-Şamaxı-Yevlax avtomobil yolunun qeyd edilən hissəsində təmiri işlərinə başlanılmışdı. Uzun müddət təmir olunmadığından və intensiv hərəkət nəticəsində yolun asfalt-beton örtüyü qabarmışdı və dağılmış hissələr yaranmışdı. Bunu aradan qaldırmaq üçün təmir işləri zamanı asfalt-beton örtüyünün üst qatı frezlənərək ərazidən daşınıb. Əvəzinə isə yeni asfalt-beton örtüyünün döşənməsi işləri həyata keçirilib. Ümumilikdə yolun 80 min kv. metrdən çox ərazisi asfaltlanıb. Bu işlərə paralel olaraq yol boyu çiyinlərin bərkidilməsi və küvetlərin təmizlənməsi işləri də aparılırıb.

Emin